香港時間
:
:
瑞士時間
:
:

瑞士禁活煮龍蝦 減少痛苦

【專欄瑞士打工假期 @瑞公子

如果你係鍾意食海鮮既話,菜單上一定少不了龍蝦一項。不過如果你好似我瑞公子咁,身在瑞士,想整返餐龍蝦大餐畀女友,就要留意瑞士新法例喇﹗

瑞士政府聯邦委員會週三(1月10日)立例,規定在瑞士境內煮龍蝦或其他肢節動物之前,必須將動物首先打暈,才可開始落刀或者落鑊烹煮,確保動物唔會喺痛苦下死亡,可以話係連龍蝦都可以安樂死。呢項新規定係動物保護領域實施大舉改革既部分內容,將於今年3月1日生效。

條例仲講明,相關食材响運送過程仍然在生時,必須提供一個合適嘅生存環境,例如龍蝦必須以溫暖海水盛載,不能再用冰水去裝;確保龍蝦於運輸過程中不再受苦。

呢條新例亦唔係單單為保障食材,另外同時全面立例禁止狗隻嘅販賣及不當繁殖,並規定唔可以再用其他方法禁止狗隻吠叫,例如電擊帶、針圈等,條例同樣會在3月正式生效。

其實平時响瑞士街上、湖邊行走,都經常見到市民遛狗,一般餐廳都容許主人帶同狗隻入內,係一個好愛護動物既地方,加埋上述既條例,對保護動物又行前多一步。

 

延伸閱讀︰龍蝦冷知識

波士頓龍蝦並非來自波士頓?
牠們的正名為美洲螯龍蝦,盛產靠近加拿大的美國緬因州,只是因為主要在波士頓出口,所以才令人誤以為產自當地。

龍蝦可以長生不老?
龍蝦每年隨換殼變大及變年長,但身體機能並不會老化,在沒有外來因素影響下,基本上可以長生不老,現時已知最老的龍蝦已有140歲,紐約則曾經有漁民撈獲一隻23磅重的龍蝦,估計接近百歲呢﹗

龍蝦可以鉗到手指斷?
龍蝦擁有兩隻大鉗,一隻較尖長負責固定及切開物件,另一隻粗壯的則用以破碎任何物件。越大隻越大力,大家處理龍蝦時要小心!

 

【專欄 -瑞士打工假期 】@瑞公主 & @瑞公子

古怪情侶一對,一起到瑞士打工假期,邊學邊玩邊賺錢。

瑞公主天生公主病,熱愛瑞士的一切,尤其是芝士及朱古力。瑞公子修得一身酒店人好本領,勉強應付公主病。此欄記錄兩人在瑞士讀書生活,繼而到世界各地打工遊歷之快樂辛酸史。

返回【專欄 -瑞士打工假期 】/ 返回 所有專欄文章

 

常見問題常見問題常見問題常見問題
網頁對話
live chat